barbaarmedia.com
telesom_4g_webbann550x129er  Final-Group (1)

Kulmiye Soo Bax Baa La Leeyahay Uu Sacabka Leefayaa

Riwaayaddii Axmed Saleebaan Bide ee 1966KII ee la odhan jirey ” Cagtii Joogsan Waydaa Mar Bay ceeb La Kulkantaa” Baa (IHN) Maxamed Cumar Huryo oo ku metelaaya in uu qabo Axmed Saleebaan Bide, baa Xanuunsatay, oo tidhi waxa i galay arday yar-yar, dabeed A.S.Bide iyo islaantiisii huryo
baa is waraystay, waana kan siddii uu u dhacay waraysigaasi:-

Su’aal A.S.Bide :- Maxaa ku haya?
Jawaabt Huryo:- Waxa i galay “Arday”.
Su’aal A.S.Bide:- Halkay Kaa Galeen?
Jawaab Huryo:- waxay iga galeen Caloosha iyo maskaxdda.
Su’aal A.S.Bide:- Cajiib bal i tus halka ay kaaga jraan?
Jawaab Huryo:- Maxaan ku tusaa waa la igu dhan yahaye, oo jidhkoo dhan waa la i rigaaxayaa.
Su’aal A.S.Bide:- Oo imika sidaas baa kaa runa oo waad burbursan tahay?
Jawaab Huryo:- Haa oo meel noolma lihi, ee carar oo iga soo tun ardaydda.
Axmed.S.Bide:- Saw waxay la kici kari waydayba waa islaan wixii caloosheedda ku jiray ee ahaa uur ku jirta, oo dhan lagu tumanayaa ( Sidda Wadnaha, Beerka, sambabka, labadda midhicir, kelyii iyo waxa soo raaca oo dhan), oo aanay meel qudhi u fayoobayn, bal aniga iyo ardaydaa waxa na kala qabsadda u joogga.

Hakaa markii xaalku maray is waraysiga ahaa, Axmed Saleebaan Bide inta uu budh weyn soo qaatay, baa waxa u yimi malcaamad u dhaw, oo ay caruurtii yar-yarayd ay subcinayaan quraankii. Waa ka budhkii dabadda u qabtay ilmihii wax akhiriyaayey, ee yidhi Ka-baxa-Ka-Baxa, Maxaad Ugu Jirtaan Islaantaydda? Macalinkii baa soo booday ( IHN) waa Cismaan Maxamed (Cismaan Gacanlawe), Oo yidhi sidee weeye oday? Maxaad ardaydda u dilaysaa yar-yar ee ay kaa galabsadeen qalin-qoyantani? Wuxu yidhi A.S.Bide, Waxay Galeen islaantayddii, oo igu tidhi in la iga tumaa baan rabaa ardaydda, si kale iiga biximaayaane, markaa waa in aan ka tumo, oo aan Budh kaga saaro islaanta. Macalin Cismaan Gacalaw (IHN) Baa yidhi Bal ii waran oo sidee wax u jiraan, islaanta yaa galay? Ma kuwan Mise Rooxaan? Wuxu yidhi duul yar-yar oo ilaa dhiiga raacay baa islaantii jejebiyey, rigaaxay, burburiyey, markaa anna ardayddii ay arki kari wayday, baa halkan fadh-fadhiya waa in aan laayaa inta aanay iga dhuuman mar kale oo aan ka dareeriyaa.

Akhristaw waxan u soo qaatay arintan maanta, oo ay tahay ujeedadda aan doonaayo in aan u daliil-sado, Waxa weeye ” Waxa ina wadda Rigaaxay, Burbiriyey, ee dalka iyo dadka oo idil meel fayoobi aanay u jirin, lana helayn xataa haddii mashqac lagu baadho, meel irbad caaradeed la qotomiyo oo bed-qabtaa, been iyo wax aan jirin, Tolaay inagu maalaaya oo ” Kulmiye Soo Bax Baa La Leeyahay Uu Sacabka Leefayaaye” weliba sidaas bay inoo soo milikh-sanayaane, meel walbana inaga galeen siddii ardaydaas aan sare ku soo sheegay, oo dhuuxii iyo laftiiba inaga jaqeene, saw maaha in aynu iska tuno sidaa ardaydaas, oo aynu farteena ku qaraacno ( Halkii uu A.S.Bide Budhka ka Qaatay), aynu maalinta foodka ku budayno codkeena, oo ku nidhaahno, siddii dadkii jinku geli jirey ( Jinkaba kuwan baa ka xune), ka baxa Far-yaro Bidix. oo aynu iska muquunino, haddii kale jinkaas uun baa ilaa yoomal-diin inagu jirin, oo ku cidhib tiri, hadhawna sideenii baynu soo qaylin, waxan ku soo xidhay qoraalkan, Ummad yahay kala doorta baaba’iina oo ah, in aad mar kale ugu celisaan Kulmiyihii aad ogaydeen wuxuu ina baday, ee aan la nuuxsan la’nahay, lafta dheer ee dhabarka ku kala jebiyey, oo weliba uu u sii hadhay, kii aan ogayn ee Ina Biixii iyo In aad doorataan Cabdiraxmaan Maxamed Cabdilaahi, oo ah nin Alle Yaqaan ah, loo tirinayn musuq-maasaq, Qabyaalad, eex iyo cabudhin, laakiin inagu maamulaaya sinaan, cadaalad ay dadku wax wadda qabaan, oo soo celiya sumcaddii ay Somaliland ku lahayd dunidda, wakhtiyaddii ay hayeen sadexddii Madax-weyne ee ka horeeyey. isu fiirso maanta oo badbaadi dadka iyo dalka haddii aad in uun rajo ka qabto.

Qore:- Cabdi shootali
Manchester UK3




Leave a Reply

Your email address will not be published. Required fields are marked *